სქილვილ აკადემიას და ციფრული მმართველობის სააგენტოს შორის ურთიერთთანამშრომლობის მემორანდუმი გაფორმდა. თანამშრომლობის ფარგლებში, მხარეები ერთობლივად იზრუნებენ ტექ და ციფრული მიმართულებით სხვადასხვა მოთხოვნად პროფესიაში მოსახლეობის ჩართულობის გაზრდაზე, კვალიფიკაციის ამაღლებასა და დასაქმების ხელშეწყობაზე.

პროექტის მიზანია, ახალგაზრდებისთვის საჭირო ცოდნისა და უნარების მიცემა, რაც მათ ახალი კარიერის დაწყებაში ან გადამზადებასა და კვალიფილაციის ამაღლებაში დაეხმარებათ. მნიშვნელოვანია, რომ თანამშრომლობა ითვალისწინებს სქილვილის საუკეთესო კურსდამთავრებულების დასქმებას ციფრული მმართველობის სააგენტოში.

მემორანდუმს ხელი სქილვილის აღმასრულებელმა დირექტორმა, გიგი გიორგაძემ და ციფრული მმართველობის სააგენტოს თავმჯდომარემ, დავით ნადირაშვილმა მოაწერეს.

"Skillwill-ის მიზანია მისცეს საჭირო ცოდნა და უნარები ნებისმიერ ადამიანს, რომელსაც სურს დაიწყოს ახალი კარიერა ან გახდეს უფრო მაღალკვალიფიციური კადრი. ამ მიზნით, ჩვენთვის მნიშვნელოვანია ციფრული მმართველობის სააგენტოსთან თანამშრომლობა და ერთობლივად იმ საქმის კეთება, რაც ადამიანების განათლების და დასაქმების ხელშეწყობას ემსახურება", — ამბობენ სქილვილის აკადემიაში.

სქილვილი ყველაზე მასშტაბური ონლაინ აკადემიაა საქართველოში, სადაც ტექ მიმართულების, ციფრული მარკეტინგის და ხელოვნური ინტელექტის სწავლება თანამედროვე მეთოდებით მიმდინარეობს. აკადემია თანამშრომლობს როგორც კერძო, ისე საჯარო სექტორთან და საერთაშორისო ორგანიზაციებთან. სქილვილის აკადემიას აქვს რეგიონული პროექტები და აქტიურადაა ჩართული მთელი საქართველოს მასშტაბით განათლების პოპულარიზაციასა და რეგიონში მცხოვრები ახალგაზრდების, მოწყვლადი ჯგუფებისთვის ახალი შესაძლებლობების მიცემაში.