20 ივლისს, ზუგდიდში ორგანიზაცია Animal Project-ის ღონისძიება — Feel the PAWer of love in Zugdidi გაიმართება, რომელიც მიზნად ისახავს მიუსაფარი კომპანიონი ცხოველების პრობლემების შესახებ საზოგადოების ცნობიერების ამაღლებას და მათ გადასაჭრელად მეტ ჩართულობას.

ღონისძიება ზუგდიდის სკეიტ პარკში, 17:00 საათიდან გაიმართება და არაერთ მხიარულ, შემეცნებით და საინტერესო აქტივობას გააერთიანებს. ღონისძიებაზე მისულ სტუმრებს დახვდებათ:

• მეტისების არაჩვეულებრივი გამოფენა;
• Befor & After — ქუჩიდან აყვანილი ცხოველების ფოტო-გამოფენა;
• ვეტერინარის საჯარო ლექცია;
• საბავშვო კუთხე — ცხოველების სახლების მოხატვა და სხვა აქტივობები;
• საქველმოქმედო მარკეტი — ვენდორების მიერ წარდგენილი სხვადასხვა ნივთები, აქსესუარები;
• გასაჩუქებელი ლეკვების კუთხე;
• საინფორმაციო მასალები;
• სთრით ფუდი და გამაგრილებელი სასმელი;
• მუსიკა.

ღონისძიების ფარგლებში დაგეგმილი ქუჩიდან აყვანილი მეტისების გამოფენა მიზნად ისახავს ცხოველების ქუჩიდან / თავშესაფრიდან აყვანის წახალისებას, იმ სტერეოტიპების ჩამოშლას, რომელიც მეტისების შესახებ არსებობს და სილამაზის კონკურსებისა და გამოფენების გაშარჟებით საზოგადოებისთვის იმის ჩვენებას, რამდენად არასწორი და არაჯანსაღია გარეგნობაზე ორიენტირებული ღონისძიებები.

გამოფენაში მონაწილეობა მარტივია, მთავარია თქვენი კომპანიონი ქუჩიდან აყვანილი მეტისი იყოს და რეგისტრაცია წინასწარ გაიაროთ (მონაწილეთა რაოდენობა შეზღუდულია). გამოფენის გამარჯვებულებს სერტიფიკატი, მედალი და საჩუქრები გადაეცემა. გამარჯვებულები გამოვლინდებიან შემდეგ ნომინაციებში:

• ყველაზე განიერი;
• ყველაზე მოკლე;
• ყველაზე პატრონს დამსგავსებული;
• ყველაზე გადარჩენილი (აქ ცხოველის პატრონმა უნდა მოჰყვეს ისტორია, თუ როგორ იპოვა თავის ოთხფეხა მეგობარი და რა ისტორია ჰქონდა მას, სანამ ახალი ოჯახის წევრი გახდებოდა);
• ყველაზე მეტისი;
• მის ზუგდიდი;
• მისტერ ზუგდიდი.

პროექტი — Animal Project ევროკავშირისა და გაეროს განვითარების პროგრამის (UNDP) მხარდაჭერით ხორციელდება.

მეტისების არაჩვეულებრივი გამოფენის სპონსორები არიან: Tsugrumela, Tegeta, Body Shop, Tene, Veli Store, Nexgard Spectra, Giovanni Mora, Happy Dog, Geo Snacks, Enzo, Alter Socks, Ringo, თბილისის ბიბლიოთეკები, სულაკაურის წიგნის მაღაზია.

გამოფენის სპონსორები ზუგდიდიდან: Tamtini Bakery, International Business School, ავტოტესტცენტრი, Lazebi, Anaklia Resort Pratap's Signature, Garden Palace.

საქველმოქმედო ბაზრობის პარტნიორები ზუგდიდიდან: ეკო ხელნაკეთი, ხელები მშვიდობისთვის, 7R Georgia, ციცისგან, ნეოგენი.

ღონისძიების ტექნიკური მხარდამჭერები: ზუგდიდის მერია, ზუგდიდის ახალგაზრდული სათათბირო.

კვებისა და სასმლის ვენდორი კი Mego Bar იქნება.

თუ ღონისძიებაზე დასწრება გინდათ, თვალი ადევნეთ Facebook გვერდს, რეგისტრაციისთვის კი შეავსეთ სპეციალური ფორმა.