რატომ არის მნიშვნელოვანი: 6 თებერვალს პარლამენტის თავმჯდომარის ბრძანებით, მედიას ახალი შეზღუდვები დაუწესდა.

  • ჟურნალისტებსა და ოპერატორებს საკანონმდებლო ორგანოში კონკრეტული ქცევის წესების დაცვა ევალებათ, მათი დარღვევის შემთხვევაში კი აკრედიტაცია უჩერდებათ.
  • ამ სიაში უკვე მოხვდნენ ოპოზიციური ტელევიზიების ჟურნალისტები და მათი ოპერატორები.
  • არასამთავრობო ორგანიზაციების შეფასებით, პარლამენტის მიერ შემოღებული შეზღუდვები სადამსჯელო ხასიათს ატარებს.

დეტალები: ფორმულას ინფორმაციით, მათ ჟურნალისტსა და ოპერატორს აკრედიტაცია ქართული ოცნების დეპუტატ ირაკლი ზარქუასთვის რუსეთთან ფრენების აღდგენაზე დასმული კითხვებისთვის შეუჩერდა.

  • აკრედიტაციის შეჩერების მოთხოვნით დეპუტატმა პარლამენტის თავმჯდომარეს თავად მიმართა.
  • "ჟურნალისტი ვალდებულია, საქართველოს პარლამენტის წევრის, აპარატის თანამშრომლის ან პარლამენტში სტუმრად მყოფი პირის მიერ ინტერვიუს ჩაწერაზე უარის თქმის შემთხვევაში შეწყვიტოს ინტერვიუ", — ვკითხულობთ პარლამენტის მიერ მიღებულ გადაწყვეტილებაში.