ლონდონში, გრენფილ თაუერში გაჩენილი ხანძრის შედეგად დაკარგულად ან დაღუპულად ამ დროისთვის 79 ადამიანი ითვლება. პოლიციის განცხადებას BBC ავრცელებს.

პოლიცია შიშობს, რომ ეს რიცხვი შესაძლოა კვლავ გაიზარდოს.

ლონდონში ხანძრის შედეგად დაღუპულთა ძებნას, სავარაუდოდ, რამდენიმე კვირა დასჭირდება. 13 ივნისს, 24 სართულიან შენობაში ხანძარი გაჩნდა. ადგილზე 200 მეხანძრე მუშაობდა.

გრენფილ თაუერს ცეცხლი შუაღამისას მოედო, როდესაც შენობაში მცხოვრებ ადამიანთა უმრავლესობას ეძინა. ხანძრის გაჩენის მიზეზი ამ დროისთვისაც უცნობია.

ამ დროისთვის საავადმყოფოში 18 ადამიანი რჩება, მათგან ცხრის მდგომარეობა კრიტიკულია.

პოლიციის განცხადებით, შესაძლოა შენობაში აღმოჩენილი ნეშტებიდან ყველას იდენტიფიცირება ვერ მოხდეს და სამუშაოებს მრავალი კვირა დასჭირდება.