კულტურული მემკვიდრეობის დაცვის ეროვნული სააგენტოს დირექტორმა შესაბამისი ბრძანება გამოსცა.

რატომ არის მნიშვნელოვანი: არამატერიალური კულტურული მემკვიდრეობის ძეგლების სია კულტურისა და ძეგლთა დაცვის მინისტრის ან კულტურული მემკვიდრეობის დაცვის ეროვნული სააგენტოს გენერალური დირექტორის ბრძანების საფუძველზე, იუნესკოს კონცეფციის მიხედვით, იქმნება.

  • მასში შედის საზოგადოების, ცალკეული ჯგუფებისა თუ კერძო პირების მიერ კულტურული მემკვიდრეობის ნაწილად აღიარებული ადათ-წესები, წარმოდგენები, გამოსახვის ფორმები, ცოდნა, ჩვევები, საგნები, არტეფაქტები და ა.შ.

დეტალები: ამჯერად არამატერიალური კულტურული მემკვიდრეობის სიას შეემატა:

  • ქართული ხორბლის კულტურა: ტრადიციები და რიტუალები;
  • გელათის მეცნიერებათა აკადემიის ტრადიცია;
  • რთვლის ტრადიცია საქართველოში;
  • მცხეთური ღვეზელის დამზადების ტრადიცია და მისი კულტურული კონტექსტი;
  • მესხური სამზარეულო – აპოხტის, წიბოსა და აპოხტის ხინკლის დამზადებისა და გამოყენების ტრადიცია;
  • ინფექციურ დაავადება "ბატონებთან" დაკავშირებული რიტუალური ქმედებები, სიმღერა და წეს-ჩვეულებები საქართველოში.

კულტურული მემკვიდრეობის დაცვის ეროვნული სააგენტოს საინფორმაციო სისტემების სამსახურს ძეგლთა სახელმწიფო რეესტრში მათი ასახვა დაევალა.