საზოგადოებრივი მაუწყებლის შენობასთან სხვა ქვეყნის მოქალაქეებისთვის მიწის გასხვისების მოწინააღმდეგეთა აქცია გაიმართა. აქცია რამდენიმე წუთის წინ დასრულდა, ისინი ტელევიზიისგან პირდაპირი ეთერის დათმობას ითხოვდნენ.

როგორც აქციის მონაწილეებმა On.ge-ს ჟურნალისტს განუცხადეს, მათი მიზანია მაუწყებლის ეთერის საშუალებით მაყურებელს მიწის გასხვისებით მიღებულ ზიანზე ესაუბრონ.

საზოგადოებრივი მაუწყებლის მიმდინარე და ახალი ამბების ბლოკის დირექტორი, გიორგი გვიმრაძემ On.ge-ს განუცხადა, რომ ამავე თემაზე გადაცემის მომზადების შემთხვევაში, მათაც მოიწვევენ, თუმცა, ცალკე ეთერის დათმობა არ იგეგმება.

30 მაისს საქართველოს საპარლამენტო უმრავლესობის დეპუტატმა, ზაზა გაბუნიამ და მისმა 20-მდე კოლეგამ სასოფლო-სამეურნეო დანიშნულების მიწის გასხვისების შესახებ კანონპროექტი შეიმუშავეს, რომლის მიხედვითაც, საქართველოს მოქალაქეობის არ მქონე პირებს მიწის ყიდვა აღარ შეეძლებათ.