ამერიკის რესპუბლიკური ინსტიტუტის (IRI) კვლევის თანახმად, გამოკითხულთა უმეტესობა მხარს დაუჭერდა ოპოზიციის მიერ ვადამდელი არჩევნების დანიშვნის მოთხოვნას.

რატომ არის მნიშვნელოვანი: კითხვაზე, დაუჭერდნენ თუ არა მხარს ოპოზიციის მიერ ვადამდელი არჩევნების მოთხოვნას პასუხები შემდეგნაირად გადანაწილდა:

  • მხარს აუცილებლად დაუჭერდა — 34%;
  • რაღაც მხრივ დაუჭერდა — 18%;
  • რაღაც მხრივ წინააღმდეგი იქნებოდა — 8%;
  • აუცილებლად წინააღმდეგი იქნებოდა — 34%;
  • არ იცის/არ უპასუხია — 6%-ს.

ფოტო: IRI

მეთოდოლოგია: კვლევა ჩატარდა 2022 წლის 13 სექტემბერი — 2 ოქტომბრის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ.

  • კვლევის საველე სამუშაოები ჩატარდა IPM-ის მიერ. მონაცემები შეგროვდა პირისპირ ინტერვიუს გზით.
  • შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს.
  • მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად.
  • ცდომილების ზღვარი წარმოადგენს +/- 2.5 %, გამოპასუხების მაჩვენებელი — 74 %.
  • კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.