რუსეთის მიერ დანიშნული ადმინისტრაციის უფროსის მოადგილის, ოლეგ ბოიკოსა და მისი ცოლი მოკვლის შესახებ ინფორმაცია ე.წ. ადმინისტრაციის უფროსმა გამოაქვეყნა.

რატომ არის მნიშვნელოვანი: როგორც უკრაინსკა პრავდა წერს, ბოიკო ოკუპირებულ რეგიონში "რეფერენდუმის“ ჩატარების საარჩევნო კომისიას ხელმძღვანელობდა.

  • არსებული ინფორმაციით, ბოიკოსა და მის ცოლს ცეცხლსასროლი იარაღიდან ესროლეს.

აქამდე, 26 აგვისტოს ოკუპირებულ ბერდიანსკში აფეთქების შედეგად დაიღუპა ქალაქის ე.წ. საგზაო პოლიციის უფროსის მოადგილე ალექსანდრე კოლესნიკოვი.

  • ხოლო სექტემბერში ბერდიანსკის ე.წ კომენდანტის მანქანა ააფეთქეს, რის შედეგადაც ფეხები დაკარგა.

გარდა ამისა, ვრცელდება ინფორმაცია, რომ ლუგანსკში, საკუთარ კაბინეტში ააფეთქეს ლუგანსკის სეპარატისტული რესპუბლიკის გენერალური პროკურორი, სერგეი გორენკო, რომელიც მიყენებული ჭრილობებისგან საავადმყოფოში გარდაიცვალა.

  • რუსული მედიის ცნობით, აფეთქებისას დაიღუპა გორენკოს მოადგილეც
  • გენპროკურორის აფეთქებას გამოეხმაურა უკრაინის პრეზიდენტის ადმინისტრაციის უფროსის მრჩეველი მიხაილო პოდოლიაკი და თქვა, რომ ეს უნდა ჩაითვალოს ადგილობრივი ორგანიზებული კრიმინალური ჯგუფების დაპირისპირებად.