ორწლიანი პაუზის შემდეგ, ბათუმი ისევ მასპინძლობს რეგიონში კრეატივის ყველაზე დიდ საერთაშორისო ფესტივალს — AD BLACK SEA-ს — სადაც ქართველი და უცხოელი სტუმრები თანამედროვე შემოქმედებით ინდუსტრიას ქმნიან.

ფესტივალის 2-დღიანი პროგრამა მოიცავს სხვადასხვა ლექციას, სემინარს, პანელურ დისკუსიასა და სამუშაო შეხვედრას. მათ, ტრადიციულად, სფეროს წამყვანი ადგილობრივი და უცხოელი პროფესიონალები გაუძღვებიან.

aPeople წელს ფესტივალის პარტნიორია. კომპანიაში ამბობენ, რომ მათთვის, როგორც ბრენდისთვის, შემოქმედებითი ინდუსტრიის მხარდაჭერა და მისი განვითარება ერთ-ერთი მნიშვნელოვანი მიმართულებაა, სწორედ ამიტომ AD BLACK SEA-ზე სტუმრებს დახვდება aPeople-ის სათამაშო მოედანი, სადაც იქნება Kicker ტურნირი და სათამაშო ზონები. მათივე თქმით, სემინარებს შორის aPeople გუნდი ჩაატარებს მინი-ტურნირს "ნახე რას გეუბნები", სადაც სტუმრებს სიურპრიზებს ჰპირდებიან.