განათლების ცენტრის ორგანიზებითა და ესპანურ IE University-თან, ამერიკულ The Academy of Mathematics and Science-სა და ამერიკულ უნივესიტეტ The Global American University, Schiller-თან თანამშრომლობით 2022 წლის 8 ოქტომბერს 12:00-დან 17:00 საათამდე სასტუმრო რედისონ ბლუ ივერიაში გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან.

ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

განათლების გამოფენაში მონაწილეობის მისაღებად რეგისტრაციის გავლა შემდეგ ბმულზე შეგიძლიათ: https://logos.edu.ge/leaf/

EU ბიზნეს სკოლა წარსულში ცნობილი, როგორც ევროპის უნივერსიტეტი არის შვეიცარული საგანმანათლებლო დაწესებულება. ის ჟენევაში დაარსდა. მას ასევე აქვს კამპუსები მონტროში (შვეიცარია), ბარსელონაში (ესპანეთი) და მიუნხენში (გერმანია). უნივერსიტეტს ასევე აქვს დისტანციური (ონლაინ) სწავლების პროგრამა, როგორც ბაკალავრიატის, ისე მაგისტრატურის საფეხურზე. პროგრამები მოიცავენ ბაკალავრის ან მაგისტრის დიპლომის გაცემას.

სწავლება მიმდინარეობს ინგლისურ ენაზე და ოთხივე კამპუსზე ისწავლება ყველა პროგრამა, რაც სტუდენტებს აძლევს საშუალებას, რომ ბაკალავრიატზე სწავლის პერიოდში, 3 წლის განმავლობაში, ისწავლონ სხვადასხვა ქვეყანაში, მაგრამ ერთსა და იმავე უნივერსიტეტში.

მაგისტრატურისა და MBA პროგრამის ხანგრძლივობა არის 1 წელი. სწავლის დაწყება შესაძლებელია ოქტომბერში, იანვარსა ან მარტში. ბაკალავრიატის შემთხვევაში სწავლის ხანგრძლივობა 3 წელია და 2 დაწყების პერიოდია: ოქტომბერი და იანვარი. EU ბიზნეს სკოლას ასევე აქვს, საბაზისო, ე.წ. Foundation კურსი მათთვის, ვისაც სურს ინგლისურის ან სხვა პრაქტიკული ცოდნის გაღრმავება სადიპლომო პროგრამაზე სწავლის დაწყებამდე.

შემოთავაზებული საბაკალავრო პროგრამებია:

• ბიზნეს ადმინისტრირება;
• კომუნიკაცია და საზოგადოებასთან ურთიერთობა;
• ტურიზმის მართვა;
• საერთაშორისო ურთიერთობები;
• სპორტის მართვა;
• ციფრული ბიზნესი, დიზაინი და ინოვაცია;
• ბიზნეს ფინანსები.

შემოთავაზებული სამაგისტრო პროგრამებია:

• მართვა;
• მარკეტინგი;
• ფინანსები;
• ტურიზმის მართვა;
• ციფრული ბიზნესი;
• მოდის ბიზნესი;
• ბიზნეს ანალიტიკა და მონაცემების ანალიზი.

საბაკალვრო პროპგრამების წლიური საფასური გერმანიასა და ესპანეთში 13 500 ევრო, ხოლო შვეიცარიაში კი 28 980 შვეიცარული ფრანკია. სამაგისტრო პროგრამების წლიური საფასური ესპანეთსა და გერმანიაში 15 600 ევროს, ხოლო შვეიცარიაში 32 340 შვეიცარულ ფრანკს შეადგენს.

უნივერსიტეტში დიდი ყურადღება ეთმობა თეორიული ცოდნის სტუდენტებისათვის გაზიარებას, მაგრამ ნებისმიერ პროგრამაში ხაზგასმულია სწავლის პრაქტიკული ასპექტი. სტუდენტები ინდივიდუალურად და ჯგუფურად მუშაობენ რეალურ ბიზნეს ქეისებზე, დადიან სხვადასხვა კომპანიაში და ეცნობიან მათ საქმიანობას. მათი პროფესორები კი ასევე დასაქმებულები არიან სხვადასხვა ინდუსტრიაში და აქვთ შესაძლებლობა, დააკავშირონ თეორიული ცოდნა სამუშაო გამოცდილებასთან. ბიზნეს სამყაროში ინფორმაცია უნდა იყოს მუდმივად განახლებადი და გამოყენებადი.

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო რედისონ ბლუ ივერიაში 8 ოქტომბერს, შუა დღის 12 საათიდან საღამოს 5 საათამდე.

LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.