ცნობილ მომღერალ შაკირას ესპანეთის პროკურატურა ბრალს საგადასახადო თაღლითობაში სდებს — პროკურორების მტკიცებით, შაკირას სახელმწიფოსთვის 2012-2014 წლებში €14,5 მილიონი ევრო უნდა გადაეხადა.

ესპანელი პროკურორების განცხადებით, ბრალის დამტკიცების შემთხვევაში შაკირამ ციხეში 8 წელი და 2 თვე უნდა გაატაროს. პროკურორები დამატებით ვარსკვლავისთვის €20 მილიონის დაკისრებასაც ითხოვენ.

ცოტა ხნის წინ ცნობილი გახდა, რომ შაკირამ უარი თქვა საპროცესო შეთანხმებაზე, რაც იმას ნიშნავს, რომ დავა სასამართლოში გაგრძელდება.

შაკირას ბრალდება პირველად 2018 წელს წარუდგინეს. ბრალდების მხარის მტკიცებით, 2012-2014 წლებში შაკირამ ესპანეთში მდებარე სახლში თითოეულ წელს 6 თვეზე მეტხანს იცხოვრა. ესპანური კანონების მიხედვით, პირი, რომელიც ქვეყანაში 6 თვეზე დიდხანს ცხოვრობს, რეზიდენტად ითვლება და, შესაბამისად, გადასახადები უნდა გადაიხადოს.

შაკირა ამტკიცებს, რომ ესპანეთში 6 თვეზე დიდხანს არ უცხოვრია.შაკირას წარმომადგენლების განცხადებით, ვარსკვლავი საკუთარ სიმართლეში დარწმუნებულია და მათ საქმეს შაკირას უფლებების დარღვევაც უწოდეს.

ჯერჯერობით უცნობია, როდის გაიმართება სასამართლო პროცესი.