სიდნი სვინიმ პოპულარულობა HBO-ს სერიალ ეიფორიით მოიპოვა, რომელშიც ის კასის განასახიერებს. სხვა მსახიობებთან შედარებით, სიდნის შიშველი სცენები უფრო ხშირად აქვს, შესაბამისად ამ თემაზე კითხვებსაც ხშირად ისმენს. მისი პასუხი კი ყოველ ჯერზე ისაა, რომ შიშველი სცენების გადაღება დისკომფორტს არ უქმნის.

The Hollywood Reporter-თან ინტერვიუში სიდნიმ განაცხადა, რომ შიშველი სცენების გადაღებას მომავალშიც გააგრძელებს. სიდნის თქმით, წითელ ხალიჩასა და გადასაღებ მოედანზე სულ სხვა პიროვნებაა. ამის გამო უნდა, რომ საზოგადოებას განსახიერებული პერსონაჟის მიხედვით მსახიობის შესახებ დასკვნები არ გამოჰქონდეს.

"ხალხს ავიწყდება, რომ პერსონაჟს განვასახიერებ. ისინი ფიქრობენ, 'ეს გოგო ეკრანზე შიშვლდება, ის სექსსიმბოლოა'. ამას ვერ გავცდი. ამ სცენების გადაღება არ მიჭირს და არც შევწყვეტ, მაგრამ მინდა, უფრო მარტივად შეგვეძლოს იმაზე საუბარი, თუ რა წარმოდგენას ვიქმნით ინდუსტრიაში მყოფ მსახიობებზე", — თქვა სიდნიმ.

სიდნი სვინის არაერთხელ უსაუბრია შიშველი სცენების გადაღების დადებით და უარყოფით მხარეებზე. Cosmopolitan-თან ინტერვიუში სიდნი სვინიმ განაცხადა, რომ ადამიანები მის სამსახიობო უნარებს არაფრად აგდებდნენ მანამ, სანამ The White Lotus-ში არ გამოჩნდა. სიდნის აზრით, ამის მიზეზი ისაა, რომ ეიფორიაში შიშველი სცენები ჰქონდა. სიდნიმ ისიც აღნიშნა, რომ შიშველ სცენებს უბრალო პროფესიულ დავალებად თვლის და არა — ინტიმურ მომენტებად.