მაისში ჯოზეფ ქვინის სახელი მილიონობით ადამიანმა გაიგო და დაიმახსოვრა — ბრიტანელი მსახიობი Stranger Things-ის მეოთხე სეზონში ედის როლს ასრულებს. ამის შემდეგ ჯოზეფი უამრავ ადგილას, მათ შორის ჯიმი ფელონის შოუშიც მიიწვიეს.

გადაცემაში მისულმა ჯოზეფმა თქვა, რომ სტუმრად მოსვლა ძალიან უხაროდა, განსაკუთრებით მას შემდეგ, რაც აშშ-ის საზღვრიდან ლამის უკან გააბრუნეს. ჯოზეფის თქმით, აეროპორტში დროებით დააკავეს და გამოკითხვისთვის განკუთვნილ ოთახში გადაიყვანეს. როცა მისი აშშ-ში ჩამოსვლის მიზეზებს არკვევდნენ, მოულოდნელად ერთ-ერთმა თანამშრომელმა ჯოზეფში ედი ამოიცნო.

"მათ ვუთხარი: 'აქ The Tonight Show-ში ჯიმი ფელონთან შესახვედრად ჩამოვედი'. არ დამიჯერეს. შემდეგ ერთ-ერთმა გამომხედა, თავის კოლეგას გახედა და თქვა: 'ედის თავი დაანებე'", — გაიხსენა ჯოზეფმა.

ჯოზეფის თქმით, მანამ არ გამოუშვეს, სანამ მისი პერსონაჟის ბედზე არ გააფრთხილეს:

"მან მკითხა: 'ბრუნდები შემდეგ სეზონში?' ვუთხარი, რომ არ ვიცი, მან კი მიპასუხა, 'შენთვის აჯობებს, დაბრუნდე', შემდეგ პასპორტი დამიბრუნა", — თქვა ჯოზეფმა.

როგორც ჩანს, ედისადმი სიყვარულს საზღვრები არ აქვს!

ამავე თემაზე:

Stranger Things-ის 15 მომენტი, რომელმაც ედი ჩვენს საყვარელ პერსონაჟად აქცია