სროლა დანიის ერთ-ერთ ყველაზე დიდ სავაჭრო ცენტრში მოხდა. საერთაშორისო მედიების ინფორმაციით, დააკავეს სავარაუდო დამნაშავე, 22 წლის კაცი.

დეტალები: სამართალდამცავები ამბობენ, რომ ჯერ დაღუპულთა და დაშავებულთა ზუსტ ციფრს ვერ დაასახელებენ.

  • თვითმხილველების თქმით, სავაჭრო ცენტრში სროლა მოულოდნელად დაიწყო, რამაც პანიკა გამოიწვია.
  • ერთ-ერთი მათგანის ინფორმაციით, მკვლელს სანადირო თოფი ჰქონდა.
  • დანიური მედია ავრცელებს კადრებს, რომლებშიც ჩანს, როგორ ტოვებენ მოქალაქეები ცენტრს, პოლიციას კი დაშავებული საკაცით გაჰყავს.
  • კოპენჰაგენის საავადმყოფოს განცხადებით, დაშავებულთა სამკურნალოდ დამატებითი თანამშრომლები გამოიძახეს.

უსაფრთხოების ზომების გამო, სროლის შემდეგ გადაიდო ჰარი სტაილსის კონცერტი, რომელიც შემთხვევის ადგილიდან რამდენიმე ასეულ მეტრში უნდა ჩატარებულიყო.

  • ასევე, გაუქმდა სამეფო მიღება.
  • პოლიციამ მოუწოდა სავაჭრო ცენტრის მფლობელებს, შეინახონ ყველა ჩანაწერი ადგილიდან, რაც იმის დადგენაში დაეხმარებათ, იყო თუ არა სხვა თავდამსხმელიც.

რატომ არის მნიშვნელოვანი: პოლიციის უფროსი აცხადებს, რომ მოტივი გაუგებარია, თუმცა ვერ გამორიცხავს ტერორისტულ აქტს.

  • როგორც BBC წერს, ბოლო ტერაქტი დანიაში 2015 წელს მოხდა, რის შედეგადაც 2 ადამიანი დაიღუპა და 6 პოლიციელი დაიჭრა.