მანიფესტს ხელს 15 უნივერსიტეტის სტუდენტები აწერენ. ის დღეს, 23 ივნისს პარლამენტის წინ წაიკითხეს.

რატომ არის მნიშვნელოვანი: მალე ცნობილი უნდა გახდეს ევროკავშირის საბოლოო გადაწყვეტილება, მიიღებს თუ არა საქართველოს კანდიდატის სტატუსს.

  • მანიფესტში აღნიშნულია, რომ სტუდენტები ირჩევენ ევროპას, ოლიგარქიისგან და კორუფციისგან თავისუფალ ქვეყანას.

სტუდენტები აცხადებენ, რომ პრინციპულად მნიშვნელოვანია საქართველოს ევროატლანტიკურ სტრუქტურებში ინტეგრაცია.

  • "სტუდენტები ვირჩევთ სიტყვის თავისუფლებას, ევროპულ განათლებას, დამოუკიდებელ სასამართლოს";
  • "ვირჩევთ სამართლიან არჩევნებს, თანასწორობას, წარმატებულ ეკონომიკას, ღირსეულ სამუშაო გარემოს";
  • "ვირჩევთ ანტირუსეთულ პოლიტიკას, თავისუფალ, მშვიდობიან, ევროპულ სახელმწიფოში ცხოვრებას".

სტუდენტთა მოძრაობა ხვალ 24 ივნისს დაგეგმილ აქციას #შინევროპისკენ უერთდება და იგივეს მოუწოდებენ სხვა სტუდენტებსაც.

  • აქცია 20:00 საათზეა დაანონდებული.