ტოკიოში, იაპონიის იმპერატორის ჯილდოს 2017 წლის გაზაფხულის ლაურეატები გამოაცხადეს. იაპონიის მთავრობის მიერ გავრცელებულ სიაში დასახელებულია ქართველი პრიმა-ბალერინა ნინო ანანიაშვილი, რომელიც ამომავალი მზისა და ოქროს სხივების ორდენით დააჯილდოვეს.

ნინო ანანიაშვილს ჯილდო იაპონიასა და საქართველოს შორის კულტურულ ურთიერთობებში ხანგრძლივი და მრავალფეროვანი მოღვაწეობისა და იაპონური საბალეტო საზოგადოების განვითარებაში შეტანილი მნიშვნელოვანი წვლილისთვის მიენიჭა. პრიმა-ბალერინასთვის მინიჭებული ჯილდო იაპონიაში კულტურის მოღვაწეთათვის დაწესებულ ჯილდოებს შორის ყველაზე მაღალი რანგისაა.

ამ ორდენის ლაურეატი 2011 წელს, 86 წლის ასაკში, მაია პლისეცკაიაც გახდა.

იაპონიის საიმპერატორო ჯილდოს გადაცემა 1875 წელს დაიწყო, ხოლო დაჯილდოების დღევანდელი სისტემა 1964 წელს შეიქმნა.