ხარკოვის სამხედრო ადმინისტრაციის ხელმძღვანელის, ოლეგ სინეგუბოვის განცხადებით, რუსები აგრძელებენ მშვიდობიანი მოსახლეობის ტერორს და გასული ღამის განმავლობაში ქალაქი არტილერიიდან 53-ჯერ დაბომბეს. მისივე თქმით, შედეგად 7 ადამიანი დაიღუპა და 22 დაშავდა, მათ შორის 3 ბავშვია.

"რამდენიმე დღის სროლების შედეგად დაჭრილი ორი წლის ბიჭი საავადმყოფოში გარდაიცვალა. ჩვენ არაფერს ვაპატიებთ! მტერი იყენებს სამარცხვინო მეთოდებს მშვიდობიანი მოსახლეობის დასატერორებლად.

კიდევ ერთხელ მინდა გაცნობოთ: ხარკოვში ევაკუაციის მიზეზები არ არსებობს. მერწმუნეთ, ჩვენი შეიარაღებული ძალები ყოველდღიურად ანადგურებენ რუსების უამრავ ტექნიკას და ადამიანურ ძალას, ენდეთ ჩვენს დამცველებს და შეინარჩუნეთ სიმშვიდე!" — აცხადებს ის.

რამდენიმე დღეა ვრცელდება ინფორმაციები, რომ რუსული ჯარები, რომლებმაც კიევის მიმდებარე ტერიტორიებიდან დაიხიეს, ხარკოვზე შეტებისთვის ემზადებიან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში