დიდი ბრიტანეთი დამატებით 206 პირს სანქციებს უწესებს, მათ შორისაა 178 ადამიანი, რომლებიც რუსეთის მიერ აღიარებულ უკრაინის სეპარატისტული რეგიონების დამოუკიდებლობას უჭერდა მხარს. სანქცირებულთა შორისაა, პრორუსი უკრაინელი დეპუტატისა და ოლიგარქის, ვიქტორ მედვედჩუკი, რომელიც 12 აპრილს უკრაინაში დააკავეს.

როგორც Reuters წერს, სანქცირებულ პირთა სიაში მოხვდნენ ოკუპირებული დონეცკისა და ლუგანსკის ე.წ პრემიერმინისტრი და ე.წ პარლამენტის თავმჯდომარე. რუსეთის ხოლო საგარეო საქმეთა მინისტრის, სერგეი ლავროვის ცოლს, მარია ლავროვას ბრიტანეთში ჩასვლის აკრძალვა და ანგარიშების გაყინვა ემუქრება.

"ჩვენ გავაგრძელებთ მიზანში ამოვიღოთ ყველა, ვინც ეხმარება და ხელს უწყობს პუტინის ომს" — ამბობს ბრიტანეთის საგარეო საქმეთა მინისტრი ლიზ ტრასი.

Reuters ცნობით, ბრიტანეთის მთავრობა ასევე მუშაობს სანქციების ახალ პაკეტზე, რომელიც რკინისა და ფოლადის პროდუქტების იმპორტის, ასევე, კვანტური ტექნოლოგიების, ძვირადღირებული საქონლის ექსპორტის აკრძალვას ითვალისწინებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.