მოსკოვის პოლიცია ეძებს მერსედესის მძღოლს, რომელმაც ავარიის შემდეგ მეორე მანქანის მძღოლს, მოსკოვის ცენტრში, თავში ესროლა. ამის შესახებ რუსული სააგენტო RIA ავრცელებს ინფორმაციას.

დაჭრილი კაცი ცოცხალია და ექიმების მეთვალყურეობის ქვეშაა.

თავდამსხმელმა ტრავმატული ტიპის იარაღი გამოიყენა, რომელიც 2013 წლის მონაცემებით, რუსეთში 730 ათასზე მეტია რეგისტრირებული. აღნიშნული ტიპის იარაღი, ხშირ შემთხვევაში, მომაკვდინებელი არ არის და ძირითადად, თავდაცვისთვის გამოიყენება.