Visa და Mastercard უკრაინაში შეჭრის გამო, რუსეთის ბაზრიდან გადიან და პროტესტის ნიშნად რუსეთში ოპერაციებს აჩერებენ. Mastercard-ის განცხადებით, რუსული ბანკები მათი ქსელებით აღარ იქნება მხარდაჭერილი და ქვეყნის გარეთ გაცემული ბარათები რუსულ ბანკომატებზე არ იმუშავებს.

ამავდროულად, Visa აცხადებს, რომ ტრანზაქციების შეჩერებაზე მუშაობას უახლოეს დღეებში დაიწყებენ და დასძენენ, რომ რუსეთის ტერიტორიაზე მუშაობას ქვეყნის საზღვრებს გარეთ ფინანსური ინსტიტუტების მიერ გამოცემული ვიზა ბარათებიც აჩერებს.

კომპანიის აღმასრულებელი დირექტორის თქმით, რუსეთის უკრაინაში შეჭრისა და მათთვის მიუღებელი მოვლენების გამო იძულებული გახნენ ასე მოქცეულიყვნენ. რუსეთის საკრედიტო ორგანიზაციის პრესსამსახურში ამბობენ, რომ ცვლილების მიუხედავად, ტრანზაქციების განხორციელება ქვეყნის შიგნით შესაძლებელი იქნება.

როგორც რუსეთის სამთავრობო მედია ბანკის წარმომადგენელზე დაყრდნობით წერს, ცვლილების მიუხედავად, სბერბანკის გამოცემული ბარათებით ტრანზაქციების განხორციელება ქვეყნის შიგნით შესაძლებელი იქნება, რადგან ის ნაციონალურ ბანკს ექვემდებარება. თუმცა ბარათების გამოყენებას საზღვარგარეთ და უცხოურ ონლაინ მაღაზიებში ვერ შეძლებენ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში