პარლამენტის თავმდჯომარის, შალვა პაპუაშვილის განცხადებით, ლუგანსკისა და დონეცკის "დამოუკიდებელ რესპუბლიკებად" აღიარება საერთაშორისო სამართლის აშკარა დარღვევაა.

"უკრაინის ტერიტორიების "დამოუკიდებელ სახელმწიფოებად" აღიარება საერთაშორისო სამართლის აშკარა დარღვევაა. საქართველო სოლიდარობას უცხადებს უკრაინას. საერთაშორისო თანამეგობრობისგან კრიტიკულად მნიშვნელოვანია იმოქმედოს გადამწყვეტად ომის თავიდან აცილებისთვის და დაიცვას საერთაშორისო სამართლის ფუნდამენტური პრინციპები", — წერს ის Twitter-ზე.

რუსეთის პრეზიდენტმა, ვლადიმერ პუტინმა უკრაინის ოკუპირებული ტერიტორიები თვითგამოცხადებული ლუგანსკი და დონეცკი "დამოუკიდებელ რესპუბლიკებად" აღიარა. პუტინმა ეს გადწყვეტილება უკრაინის "აგრესიით" ახსნა და გასამართლებლად არაერთი პროპაგანდისტული მესიჯი გააჯღერა. მან უკრაინის ხელისუფლებას მოუწოდა, "დროულად შეწყვიტონ სამხედრო ქმედებები", წინააღმდეგ შემთხვევაში კი "ნებისმიერ სისხლისღვრაზე" პასუხისმგებლობა მათ დააკისრა.

ამ "თხოვნით" პუტინს თვითაღიარებული რესპუბლიკების ლიდერებმა და რუსეთის დუმის დეპუტატებმა მიმართეს. პუტინის გადწყვეტილება მინსკის შეთანხმების უხეში დარღვევაა, რასაც უკვე გამოეხმაურენ მსოფლიო ლიდერები.

გაიგეთ მეტი: