გერმანიის პოლიციამ დორტმუნდის ბორუსიას ფეხბურთის გუნდის ავტობუსთან მომხდარ აფეთქებასთან დაკავშირებით ეჭვმიტანილი დააკავა, რომელსაც, შესაძლოა, ისლამისტ ფუნდამენტალისტებთან აქვს კავშირი.

BBC-ის ცნობით, პროკურორები აფეთქებას აფასებენ როგორც ტერორისტული თავდასხმას, თუმცა ამბობენ, რომ ზუსტი მოტივი ჯერჯერობით უცნობია:

"ორი ეჭვმიტანილი ისლამისტური სპექტრიდან გამოძიების ფოკუსში არიან. ორივე მათგანის საცხოვრებელი გაიჩხრიკა და ერთ-ერთი მათგანი დაკავებულია," - განაცხადა გერმანიის მთავარი პროკურორის წარმომადგენელმა. მისივე თქმით, აფეთქების მიმდებარე ტერიტორიაზე სამი წერილი იპოვეს, რომლებშიც იდენტური ტექსტი ეწერა და თავდამსხმელის ე.წ. ისლამურ სახელმწიფოსთან კავშირებზე მიუთითებს.

11 აპრილს, გერმანიაში, საფეხბურთო კლუბ დორტმუნდის ბორუსიას ავტობუსის სიახლოვეს ასაფეთქებელი მოწყობილობა მაშინ ამოქმედდა, როდესაც კლუბი ჩემპიონთა ლიგის თამაშზე მიდიოდა. კლუბის მიერ გავრცელებული ინფორმაციით, დაშავებულია მხოლოდ ერთო ფეხბურთელი მარკ ბარტრა, რომელიც საავადმყოფოში გადაიყვანეს, სხვები კი უსაფრთხოდ არიან.