რა მოხდებოდა, კაცის საქმე რომ მხოლოდ ოჯახში ტრიალი იყოს

სექსისტურ გამონათქვამებსა და შეხედულებებს, რომლის მიხედვითაც ქალმა მხოლოდ ოჯახს უნდა მიხედოს და საოჯახო საქმეები აკეთოს, ალბათ, ყველა კარგად ვიცნობთ. მწვავე კრიტიკის მიუხედავად, ეს ჯერ კიდევ აღმოუფხვრელ პრობლემად რჩება.

ადამიანები სექსისტური შეხედულებების აბსურდულობის ხაზგასასმელად ხშირად სახალისო და სხარტ გზებსაც მიმართავენ, მაგალითად, მსგავს ფრაზებში გენდერულ როლებს ცვლიან. სწორედ მსგავსი შემთხვევა აღმოაჩინა ტვიტერის ერთ-ერთმა მომხმარებელმა, როდესაც დედამისისა და დეიდების მიერ შექმნილი კალენდარი იპოვა.

1988 წელს შექმნილ კალენდარს "ყველა ქალის ოცნება" ჰქვია. მასში წარმოდგენილი კაცები საოჯახო საქმეების კეთების დროს პოზიორობენ. "ნამდვილი კაცები, რომლებიც იმას აკეთებენ, რაც ქალებს სურთ", — ვკითხულობთ პროექტის აღწერაში.

გოგოებმა უცხო კაცები სხვადასხვა პარკში სეირნობისას იპოვეს და ფოტოსესიაზე დაითანხმეს. მათ სავიზიტო ბარათებიც დაამზადეს და უცნობებს ურიგებდნენ. ფოტოებიდან აშკარაა, რომ კაცები შემოთავაზებას დიდი სიამოვნებით დასთანხმდნენ.

თავდაპირველად გოგოები დამოუკიდებლად მუშაობდნენ და ფოტოსესიისთვის საჭირო ნივთებს ეძებდნენ, ფოტოებს კი გოგოების დედა იღებდა. მოგვიანებით ის რეჟისორის თანამდებობაზეც დააწინაურეს.

ნახეთ 12 ფოტო, რომელიც გვიჩვენებს, თუ რა მოხდებოდა, კაცების საქმე რომ მხოლოდ ოჯახში ტრიალი იყოს:

1. სრული იდილია

2. შემდეგი გაჩერება: საახალწლო სამზადისი სამზარეულოში

3. ჭურჭლის დაწკრიალება არ უნდა დაავიწყდეს

4. ყავას მოწრუპავს და იატაკის ხეხვას მიხედავს

5. წარწერა ქუდზე: ყველა ქალის ოცნება (Every Woman's Fantasy — EWF)

6. მტვერსასრუტით შეიარაღებული კაცი ოჯახის სისუფთავის სადარაჯოზე

7. ოჯახის უფროსის მოსვლამდე ფანჯრების დაწმენდაც უნდა მოესწროს

8. ცოლის პერანგებს აუთოებს

9. აბა, ტანსაცმლის დაკეცვა რა ქალის საქმეა?!

10. ნამდვილი კაცური ბედნიერება

11. ამ საქმისთვის კაცი კი სუსტია, მაგრამ მამაა ძლიერი

12. კაცი ცოლისთვის დაღლილიც კი კარგად უნდა გამოიყურებოდეს

ამავე თემაზე:

ბოლო ამბები:

გირჩევთ

რა მოხდებოდა, კაცის საქმე რომ მხოლოდ ოჯახში ტრიალი იყოს — 12 ფოტო