ჰოლივუდის ვარსკვლავი, სუზან სარანდონი ტვიტერზე იმ ჭორებს ეხმიანება, რომელსაც მედია უკვე 20 წელია უგორებს.

პირველი ჭორი მისი და ჯულია რობერტსის დაპირისპირებას ეხებოდა. 1998 წელს რობერტსმა და სუზანმა ერთად ითამაშეს ფილმში "დედინაცვალი", მაშინ პრესა წერდა, რომ სარანდონი ჯულიას ვერ იტანდა, რადგან თვლიდა, რომ ის მას ჩრდილავდა.

თუმცა, როგორც მოგვიანებით გაირკვა, სინამდვილეში ჯულია და სუზანი დიდი ხნის მეგობრები არიან და ამ ფილმში თამაშიც მხოლოდ იმიტომ გადაწყვიტეს, რომ სურდათ ერთობლივი ფილმი ჰქონოდათ, მოგვიანებით კი ჯულიამ სარანდონი მეჯვარედაც წაიყვანა პირველ ქორწინებაში.

ამავე თემაზე სარანდონმა ტვიტერზეც რამდენიმე პოსტი დაწერა და თქვა, რომ ჯულია არასდროს სძულდა, პირიქით მასზე შეყვარებულია და იხუმრა, ჭორები თავის დროზე ჩემმა პიარ აგენტმა გაავრცელაო.

უკვე წელს კი მას ჯესიკა ლენგის სიძულვილში დასდეს ბრალი, ამბობდნენ რომ სერიალში შუღლი: ბეტი და ჯოანი, რომელიც ოქროს ხანის ლეგენდარული მსახიობების ბეტ დეივისისა და ჯოან კროუფორდის ცხოვრებასა და მათ დაძაბულ ურთიერთობებზე მოგვითხრობს, გადასაღები მოედანი ჯესიკასა და სუზანის რეალური შუღლის ეპიცენტრად იქცა.

სუზანი ტვიტერზე ამ ისტორიასაც გამოეხმაურა და თქვა, რომ სწორედ ჯესიკას გამო დათანხმდა ამ შოუში მონაწილეობას, მათ შორის არანაირი დაპირისპირება არ არსებობს და იხუმრა, რომ ისინი ერთმანეთს ხვდებიან კიდეც.

შეგახსენებთ, რომ ცოტა ხსნი წინ ოსკაროსანმა მსახიობი საკუთარ სექსუალურ ორიენტაციაზე ღიად ალაპარაკდა და საკუთარ თავს ბისექსუალი უწოდა.

"სერიული მონოგამი ვარ, ამიტომ ურთიერთობების დიდი გამოცდილება არ მაქვს, თუმცა ამჯერად მზად ვარ ქალებთან ურთიერთობისთვისაც", - ამბობდა მსახიობი.