ქართული ონლაინ მაღაზია Citrus.ge-ის მონაცემებით, წელს მომხმარებლებმა ნაძვის ხის შესყიდვა ბევრად უფრო ადრე, ოქტომბრის მეორე ნახევრიდან დაიწყეს.

კომპანიის ცნობით, ზოგადად, საახალწლო ნაძვის ხე ნოემბრის მეორე ნახევრიდან ხდება მოთხოვნადი, წელს კი ეს ტენდენცია ერთი თვით ადრე დაიწყო.

უცნობია, კონკრეტულად, რამ განაპირობა საქართველოს მოსახლეობის წლევანდელი ნაადრევი საახალწლო სამზადისი, თუმცა ადგილობრივი ბიზნესებითვის ეს საკმაოდ საინტერესო და საყურადღებო ტენდენციაა.

Statistica.com-ის მიხედვით, მსგავსი ტენდენცია შეინიშნება ამერიკის შეერთებულ შტატებშიც, რითაც შეგვიძლია ვივარაუდოთ, რომ წელს ადამიანების ადრეულ საახალწლო სამზადისს გლობალური სახე აქვს.

სტატისტიკის მიხედვით, აშშ-ში საახალწლო შოპინგის 43% ოქტომბრის ბოლოდან დაიწყება, 25% მადლიერების დღემდე, 19% მადლიერების დღის შემდეგ, ხოლო 12% დეკემბრის თვეში.

წლების განმავლობაში, შობის წინა რამდენიმე დღე ნაძვის ხის იაფად შესაძენად ყველაზე ყელსაყრელ დროდ ითვლებოდა.

ექსპერტების უმეტესობა, როგორც ბუნებრივი, ასევე ხელოვნური ნაძვის ხის შეძენას გვირჩევს უფრო ადრე, ვიდრე ამას ჩვეულებრივ, ახალი წლის მოახლოებისას ვაკეთებთ.

"მომხმარებლებმა სასურველი ნივთი უნდა შეიძინონ რაც შეიძლება ადრე და მზად იყვნენ, რომ უფრო მეტხანს დაელოდონ შეკვეთის მიღებას", — ამბობს რუდი ლეუშნერი, მიწოდების ჯაჭვის მენეჯმენტის ასოცირებული პროფესორი Rutgers Business School-ში.

ინტერნეტ მაღაზია ციტრუსის ცნობით, საქართველოში განსაკუთრებული მოთხოვნა ხელოვნურ ნაძვის ხეებზეა, რაც ერთი მხრივ სასიხარულო ფაქტია, რადგან ქართულ კულტურაში არ არის ბუნებრივი ნაძვის ხის მოჭრის ტრადიცია. ინტერნეტ მაღაზია ციტრუსის მონაცემების მიხედვით, ქართველი მომხმარებლები უპირატესობას ანიჭებენ 180სმ სიმაღლის, ხელოვნურ, მწვანე შეფერილობის ნაძვის ხეებს, სხვადასხვა ბუნებრივი აქსესუარით (გირჩებით, კენკრებით და ა.შ).

"ასე რომ, თუ გსურთ წელს თქვენი საჩუქრები ხელოვნური ნაძვის ხის ქვეშ მოათავსოთ, შოპინგის დასაწყებად ახლა შესაფერისი დროა.წელს ნაადრევი საახალწლო სამზადისი კრეატიული სათამაშოების, დეკორაციებისა და საჩუქრების შემქნისათვის მშვენიერი წინაპირობაა. აშკარაა, რომ ადამიანებს უფრო ადრე სურთ პოზიტიური განწყობის შექმნა. ვფიქრობთ, წელს საინტერესო და განსხვავებული ახალი წელი გველოდება", — ამბობენ ციტრუსში.