2017 წლის 29-31 მარტს, ილიას სახელმწიფო უნივერსიტეტის ტექნოლოგიების კომერციალიზაციის ოფისის ორგანიზებით, CRDF Global-ისა და აშშ-ის თავდაცვისა და საფრთხის შემცირების სააგენტოს (DTRA) ფინანსური მხარდაჭერით, ტექნოპარკში გაიმართება საერთაშორისო კონფერენცია თემაზე: ტექნოლოგიების კომერციალიზაცია და ინოვაციები: გამოწვევები და შესაძლებლობები საქართველოში.

სამდღიანი კონფერენცია მოიცავს ინოვაციების მართვისა და ტექნოლოგიების გადაცემის მნიშვნელოვან საკითხებს და ითვალისწინებს როგორც ქვეყანაში მიმდინარე გამოწვევებისა და შესაძლებლობების ანალიზს, ასევე საერთაშორისო ექსპერტების მიერ სხვა ქვეყნების რელევანტური გამოცდილების განხილვას.

კონფერენციის პარტნიორები არიან:

• საქართველოს სამეცნიერო-ტექნოლოგიური განვითარების ფონდი (სსგფ);
• საქართველოს ინოვაციებისა და ტექნოლოგიების სააგენტო (GITA);
• საქართველოს ეკონომიკისა და მდგრადი განვითარების სამინისტრო;
• საქართველოს განათლებისა და მეცნიერების სამინისტრო;
• საქართველოს ინტელექტუალური საკუთრების ეროვნული ცენტრი (საქპატენტი);
• ამერიკის შეერთებული შტატების საელჩო საქართველოში.

კონფერენციაში მონაწილეობენ საერთაშორისო ექსპერტები:

• დოქტ. გუვენ იალჩინტასი - Applied Professionals International, LLC-ის ხელმძღვანელი, ნიუ-იორკი, აშშ;
• ედვარდ ჰსაი - კალიფორნიის უნივერსიტეტის ტექნოლოგიების განვითარების ჯგუფის ტექნოლოგიების გადაცემის ოფიცერი, ლოს-ანჯელესი, კალიფორნია, აშშ;
• ემილ პოტი, პატენტ-რწმუნებული, Actogenix NV-ის დამფუძნებელი და მთავარი მრჩეველი, გენტი, ბელგია;
• დოქტ. რალფ შეფერი, ფრაუნჰოფერის ჰაინრიხ ჰერცის ინსტიტუტის ვიდეოგანყოფილების დირექტორი, ბერლინი, გერმანია;
• კეთლინ შროტერი, ფრაუნჰოფერის ჰაინრიხ ჰერცის ინსტიტუტის კორპორატიული კომუნიკაციების ხელმძღვანელი, ბერლინი, გერმანია;
• ომერ ჰიზიროღლუ, Diffusion Capital Partners-ის გენერალური პარტნიორი, სტამბული, თურქეთი.

კონფერენციაში ასევე მონაწილეობენ:

• ალექსანდრე ჯეჯელავა, საქართველოს განათლებისა და მეცნიერების მინისტრი;
• მარინა ჩიტაშვილი, შოთა რუსთაველის ეროვნული სამეცნიერო ფონდის გენერალური დირექტორი;
• ნინო დვალიძე, ილიას სახელმწიფო უნივერსიტეტის ვიცე-რექტორი;
• ეკა ლეფსვერიძე, ტექნოლოგიების კომერციალიზაციის ოფისის დირექტორი;
• ნიკოლოზ გოგილიძე, „საქპატენტის“ თავმჯდომარე;
• ავთანდილ კასრაძე, GITA-ს თავმჯდომარე;
• დავით ჩეჩელაშვილი, ტექნოლოგიების კომერციალიზაციის ოფისი;
• მზია ქუთათელაძე, გ. ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტი;
• გიორგი ბენაშვილი, სამრეწველო ინოვაციების ლაბორატორია და ბიზნესინკუბატორი;
• სანდრო ასათიანი, „ჯეოლაბი“;
• აიეტი კუკავა, ალიანს-ჯგუფის ჰოლდინგი;
• ნიკოლოზ ბურდიაშვილი, CRDF/GRDF;
• წარმატებული ქართული სპინოფები - გამომგონებლები, ინოვატორები, აკადემიური მეწარმეები.

კონფერენციის ბოლო დღეს მონაწილე უნივერსიტეტების წარმომადგენლებს საშუალება ექნებათ, ინდივიდუალური კონსულტაცია გაიარონ უცხოელ ექსპერტებთან შემდეგ საკითხებზე:

• ვენჩორული კაპიტალი სპინოფებისთვის;
• ლიცენზირება/ინტელექტუალური საკუთრების მართვა;
• ტექნოლოგიების შერჩევა დაპატენტებისთვის;
• ინდუსტრიისა და კვლევის კოლაბორაცია.