მსოფლიო ჯანდაცვის ორგანიზაციის მონაცემებით, მთელი მსოფლიოს მასშტაბით ყოველწლიურად 372 ათასი ადამიანი წყალში იხრჩობა. ამის მიზეზი დაუდევრობა, გაუფრთხილებლობა ან ბუნებრივი პირობებია.

კინგი სამაჯური მოწყობილობაა, რომლის მისიაც ზემოთ აღნიშნული საგანგაშო ციფრის შემცირებას შეუწყობს ხელს.

მოწყობილობა შედგება ნახშირორჟანგით სავსე პატარა ბალონისა და ბუშტისგან, რომელიც საჭიროების შემთხვევაში მეტალის ღილაკით ირთვება და ბუშტს მაშინვე ბერავს.

ეს სამაჯური 78-ჯერ პატარაა, ვიდრე ნებისმიერი საცურაო ჟილეტი. გამოდგება სერფინგისას, თევზაობისას ან უბრალოდ ცურვის დროს.

აღსანიშნავია, რომ გასაბერი სამაჯური მრავალჯერადია და მისი შეძენა ამაზონზე $89.99-ად არის შესაძლებელი.