ტერორისტულმა დაჯგუფებამ ისლამურმა სახელმწიფომ 22 მარტს, ლონდონის ცენტრში მომხდარ ტერაქტზე პასუხისმგებლობა აიღო. ჯიჰადისტების პროპაგანდისტულმა საინფორმაციო სააგენტომ, Amaq-მა გაავრცელა ცნობა, რომ თავდასხმა ISIS-ის მებრძოლმა განახორციელა. ამის შესახებ, არასამთავრობო, ანტიტერორისტული ორგანიზაცია (SITE) წერს, რომელიც საერთაშორისო ტერორიზმსა და ტერორისტთა ქსელს იკვლევს.

ლონდონში გუშინ მომხდარი ტერორისტული თავდასხმის შედეგად 4 ადამიანი დაიღუპა. მათ შორის არიან 40 წლის ქალი, 50 წლის კაცი, პოლიციელი და თავად თავდამსხმელი. რეიდების შედეგად და ტერაქტთან კავშირში დაკავებულია 8 ადამიანი, დაშავებულია - 40.

ტერორისტული თავდასხმა ლონდონზე - რა ვიცით ამ დროისთვის