ვიდეომიმართვაში, რომელშიც სააკაშვილი ამბობს, რომ საქართველოში, კერძოდ ბათუმშია, ქსენოფობიურ განცხადებასაც ავრცელებს. სააკაშვილი ამტკიცებს, რომ საქართველოს მოქალაქეები ქვეყანას ტოვებენ და იქვე ამატებს, რომ ბულვარი "რუსი ტურისტებისთვის, თურქებისთვის, ან ირანელებისთვის" არ გაუკეთებია.

"დარწმუნებული ვარ, რომ საქართველოს აქვს უზარმაზარი პოტენციალი. მორჩა ეს, რომ ხალხს აგდებენ ქვეყნიდან. 50%-ით გაიზარდა აპლიკანტთა რაოდენობა ევროკავშირში ახლა, ევროკავშირის მონაცემებით. ეს უნდა დასრულდეს. ამ ყველა ბულვარს, ამ სილამაზეს მე რუსი ტურისტებისთვის კი არ ვაკეთებდი ან თურქებისთვის, ან ირანელებისთვის. ეს ყველაფერი იყო თქვენთვის, თქვენი წარმატებისთვის და მე არ მინდა, რომ ეს ვინმე სხვას დარჩეს", — განაცხადა მან ვიდეოში.

ეს პირველი შემთხვევა არ არის, როდესაც ექსპრეზიდენტი ქსენოფობიური შინაარსის განცხადებას აკეთებს. სხვადასხვა დროს მას არაერთმა არასამთავრობო ორგანიზაციამ მიუთითა იმაზე, რომ მისი განცხადებები ქსენოფობიას ახალისებდა, თავად სააკაშვილი კი ამტკიცებდა, რომ ქსენოფობი არაა.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: