ვინც გრეის ანატომიას უყურებს, მათთვის კარგად არის ნაცნობი შონდა რაიმსის მისწრაფება ბედნიერი წყვილების განადგურებისკენ, გამონაკლისი არც ჯექსონ ეივრი და ეიპრილი არიან, რომლებიც უკვე წლებია, სიეტლ გრეის გრეი სლოუნის სახელობის საავადმყოფოში ერთად მუშაობენ და სასიყვარულო ისტორიაში აღმასვლები და ცუდი პერიოდები აქვთ. წყვილს შვილიც ჰყავს, პატარა ჰარიეტი.

როცა მაყურებლის ინტერესი რომელიმე წყვილისა თუ პერსონაჟის მიმართ უზომოდ იზრდება, შონდა ამ სიუჟეტურ ხაზს დამოუკიდებელ ეპიზოდში უფრო ფართოდ შლის ხოლმე. ჯექსონისა და ეიპრილის წყვილს (ჯეიპრილს) ერთ-ერთ სეზონში უკვე მიეძღვნა მთელი სერია. როგორც ახლა გაირკვა, ერთ-ერთი ხუთშაბათი [სწორედ ამ დღეს გადის გრეის ანატომია ABC-ზე] კვლავ დაეთმობა მათ პირად ურთიერთობას. ამის შესახებ ეიპრილის როლის შემსრულებელმა, სარა დრიუმ თავად შეატყობინა გულშემატკივრებს.

გრეის ანატომია ABC-ის სავიზიტო ბარათად ქცეული სერიალია, რომელიც უკვე 13 წელია ეთერშია და პოპულარობას არ კარგავს.