სოციალური უთანასწორობა ადამიანებს შორის ხანდახან ისეთი დიდია, რომ საზოგადოების ნაწილს გარკვეულწილად ილუზიაში უწევს ცხოვრება. შედარებით მდიდარი ფენა ზოგჯერ ვერ აცნობიერებს, რა ყოველდღიური სირთულეების წინაშე დგანან ღარიბი ფენის წარმომადგენლები.

რედიტის ერთ-ერთმა მომხმარებელმა თავის გამომწერებს ამ საკითხთან დაკავშირებით ჰკითხა: "მითხარით რა არ იციან ადამიანებმა სიღარიბესთან დაკავშირებით".

პასუხები ძალიან საინტერესო და ბევრისთვის ძალიან ნაცნობი აღმოჩნდა.

ამ სტატიაში 10 ყველაზე პოპულარულ ვერსიას გაგიზიარებთ.

1. "სიღარიბე ძალიან დამღლელია, ემოციურად, მენტალურად და ფიზიკურად. ხანდახან პატარა გამარჯვებები გჭირდება. ეს შეიძლება იყოს შესაძლებლობა იმისა, რომ რესტორანში ივახშმო ან კინოში წახვიდე. შეიძლება გადასახადები უნდა გადაიხადო, მაგრამ თან ხანდახან დრო შენს თავსაც უნდა დაუთმო".

ფოტო: giphy

2. "გამუდმებით ფულზე ფიქრობ. ამბობენ, ფულით ბედნიერებას ვერ იყიდიო, მაგრამ უფულობით შფოთვას ნამდვილად ყიდულობ".

ფოტო: giphy

3. " ავტობუსით გადაადგილებას უფრო მეტი დრო მიაქვს, ვიდრე საკუთარი მანქანით. რაც იმას ნიშნავს, რომ სამსახურში ადრე მიდიხარ და გვიან ამთავრებ. მაღაზიიდან ყველაფერს ერთდროულად ვერ გამოზიდავ, იმიტომ რომ მანქანა არ გყავს, ამიტომ იქ ხშირად უნდა იარო, შედეგად კიდევ უფრო ბევრ დროს კარგავ".

ფოტო: giphy

4. "მუდმივი შიში გაქვს იმისა, რომ რაღაც გაუთვალისწინებელი ხარჯები გექნება და ფული არ გეყოფა".

ფოტო: giphy

5. "სამსახური მაქვს, მაგრამ თავს მაინც ღარიბად ვგრძნობ. ბინის ქირაში, სხვადასხვა გადასახადში ჩემი ხელფასის ნახევარზე მეტი მიდის. დარჩენილი ფულით კი ვერაფერს ვაკეთებ".

ფოტო: giphy

6. "ფულს დაზოგავ, მაგრამ მერე ისეთი რაღაც მოხდება, რაშიც შენი დანაზოგის დახარჯვა მოგიწევს და ამ მოჯადოებულ წრეს ვერ არღვევ".

ფოტო: giphy

7. "უფლება არ გაქვს შეცდომა დაუშვა, რადგან ერთი შეცდომის გამოსასწორებლად შეიძლება წლები დაგჭირდეს".

ფოტო: giphy

8. "იმის ფუფუნება არ მაქვს, რომ სამსახური დავტოვო და უკეთესი ვიპოვო. გასაუბრებებს დრო სჭირდება და სამსახურთან ერთად ამას ვერ ვახერხებ".

ფოტო: giphy

9. "ჯანსაღი საკვები ძალიან ძვირია და იაფიანი გწამლავს".

ფოტო: giphy

10. "სიღარიბე არ წარმოიქმნება არასწორად მიღებული გადაწყვეტილებებისგან, სიღარიბეს თავად გარემო ქმნის. ნაკლები წვდომა ჯანდაცვის სისტემაზე, ექიმებზე, იურისტზე, სუფთა საცხოვრებელ ადგილზე... ამ დროს სხვა გაჭირვებულებს უყურებ და მათაც ვერაფრით ეხმარები. ეს ყველაფერი კი ძალიან მოქმედებს".

ფოტო: giphy