Mobile World Congress-ზე სხვა მოწყობილობებთან ერთად Sony-მ თავისი ახალი ქმნილება წარმოადგინა - Xperia Touch, პროექტორი, რომელიც ნებისმიერი ზედაპირს თაჩსქრინად აქცევს.

მოწყობილობა ანდროიდის ოპერაციულ სისტემაზე მუშაობს და შესაბამისად, ამ სისტემისთვის შექმნილი სხვადასხვა აპლიკაციების გაშვებასაც შეძლებს.

პროექტორი ზედაპირზე 58 სანტიმეტრის დიაგონალის მქონე ეკრანს ქმნის, რომელიც სხვადასხვა ჟესტებს, კლიკს, გასმას, ზუმს და ა.შ. აღიქვამს და შესაბამისად მოქმედებს.

პრომო ვიდეოში ჩანს, რომ Xperia Touch-ის გამოყენება ნებისმიერ სიტუაციაში შეიძლება, იქნება ეს ხატვა, სადილის მომზადება, ვიდეო ზარი თუ სხვა.

მოწყობილობა ბაზარზე 2017 წლის გაზაფხულზე ჩაეშვება.