პრემიერმინისტრ ირაკლი ღარიბაშვილის თქმით, ყოფილი პრეზიდენტი, მიხეილ სააკაშვილი უკრაინიდან გაგდების პირას არის. მან, ასევე, აღნიშნა, რომ სააკაშვილის მოლაპარაკებებში შესაძლო ჩართულობა ქვეყნისთვის შეურაცხმყოფელია.

"სააკაშვილის შესაძლო ჩართულობა შეურაცხმყოფელია ჩვენი ქვეყნისთვის, სახელმწიფოსთვის. ვიღაც, ვინც არ უნდა იყოს, არ მაინტერესებს აბსოლუტურად, მოგვიწოდებდეს ჩვენ რომ ეს კრიმინალი, არაერთ მძიმე დანაშაულში მხილებული, ბრალდებული და მისჯილი ფორმალურად ჩაერთოს რაიმე ფორმით ამ მოლაპარაკებებში. მინდა შევახსენო ყველას, სააკაშვილი დღეს არის გაგდების პირას უკრაინაში. მას დღე თუ ხვალ გააგდებენ, ალბათ. თქვენ ნახეთ კორუფციული სკანდალები, რომელშიც ის გაეხვა. ყველა ის კორუფციული საქმე გამოუძიეს და დაიწყეს დევნა მისი გუნდის წევრების, ეს ერთი.

მეორე რეალურად ის არაფერს არ აკეთებს უკრაინაში და ეს ყვალაფერი არის დადგმული შოუ. რასაც იგი აკეთებდა აქ, იგივე უარესობას აკეთებს იქ, რა თქმა უნდა, მცირე მასშტაბში და მესამე, სააკაშვილმა თავად, თავისი სურვილით განაცხადა უარი საქართველოს მოქალაქეობაზე, კაცი, რომელიც 9 წელი იყო ქვეყნის პრეზიდენტი, რაზე მესაუბრებით საერთოდ", — განაცხადა ღარიბაშვილმა.