ნაციონალური მოძრაობის წევრის, სალომე სამადაშვილის თქმით, ირაკლი კობახიძის დღევანდელი ბრიფინგით ქართულმა ოცნებამ ელჩების შუამავლობის მიმდინარე მოლაპარაკებები ჩაშალა. ამის შესახებ მან ფეისბუქზე დაწერა.

"კობახიძის დღევანდელი განცხადებით, ქართულმა ოცნებამ მოლაპარაკებები ჩაშალა. 11 დეკემბერს, დემოკრატიული საქართველოს ისტორიაში პირველად, ერთპარტიული პარლამენტის პირველი სხდომა შეიკრიბება", — წერს სამადაშვილი.

ქართული ოცნების აღმასრულებელმა მდივნმა, ირაკლი კობახიძემ მმართველ პარტიის ოფისში გამართულ ბრიფინგზე განაცხადა, რომ ახალი მოწვევის პარლამენტში დაინიცირდება კანონპროექტი, რომლის საფუძველზეც საარჩევნო რეგისტრაცია გაუუქმდება იმ პოლიტიკურ პარტიას, რომლის ლიდერიც კონსტიტუციურ ცენზს არ აკმაყოფილებს.

მისი თქმით, საქართველოში პოლარიზაციის მთავარი წყარო მიხეილ სააკაშვილია, რომელიც არ აკმაყოფილებს ორ კონსტიტუციურ ცენზს — არ არის საქართველოს მოქალაქე და შეფარდებული აქვს თავისუფლების აღკვეთა, რაც აღსრულებას ექვემდებარება.

ამავე თემაზე: