ხვალიდან ამერიკას ახალი პრეზიდენტი და პირველი ლედი ეყოლება.

ინაუგურაციის ცერემონია თბილისის დროით 20:30 საათზე დაიწყება და რამდენიმე საათს გაგრძელდება.

20 იანვრის დილის განრიგში მითითებულია ტრამპის საუზმე ოჯახთან, შემდეგ კი ლოცვა. აღნიშნულის შემდეგ დონალდ ტრამპი და ბარაკ ობამა ერთმანეთს შეხვდებიან თეთრ სახლში და პენსილვანიის ავენიუს გავლით ერთად გაემართებიან კაპიტოლიუმისკენ, სადაც იმართება ინაუგურაცია.

ინაუგურაციის ოფიციალურ ნაწილამდე, ტრამპების ოჯახი თეთრ სახლში ობამებს ეწვია, სადაც სამახსოვრო ფოტოები გადაიღეს.

ფოტო: JIM WATSON/AFP/GETTY

ფოტო: JIM WATSON/AFP/GETTY

ხვალიდან უკვე ყოფილ პირველ ლედის მიშელ ობამას, მელანია ტრამპმა საჩუქარიც მიუტანა.

მედია რა თქმა უნდა მაშინვე დაინტერესდა თუ რა შეიძლება ეჩუქებინა მომავალ პირველ ლედის მიშელისთვის.

როგორც ვარაუდობენ, ეს საიუველირო კომპანია Tiffany & Co.-ს სასაჩუქრე ყუთია, რომელშიც შესაძლოა ამავე ბრენდის ძვირადღირებული სამკაული იყოს.

თუმცა, როგორც აღმოჩნდა მელანიამ თეთრ სახლში საჩუქრად ჩაისთან მისაყოლებელი ნამცხვარი მიიტანა, რადგან პროტოკოლის მიხედვით, ექს პრეზიდენტი და პირველი ლედი სახლის მომავალ ბინადრებს ჩაით უმასპინძლდებიან.