საქართველოს საგარეო საქმეთა სამინისტროს ინფორმაციით, არსებული ეპიდემიოლოგიური ვითარების გამო, აზერბაიჯანსა და საბერძნეთის ქალაქ თესალონიკში საარჩევნო უბნები გაუქმდა. საგარეო საქმეთა მინისტრის მოადგილის, ხათუნა თორთლაძის განცხადებით, აზერბაიჯანში 3, თესალონიკში კი 2 საარჩევნო უბანი დაიხურა. აზერბაიჯანის შემთხვევაში მიზეზად პანდემიასთან ერთად, საომარი ვითარებაც დასახელდა.

"ათენში რეგისტრირებულ საქართველოს მოქალაქეებს არჩევნებში მონაწილეობის უფლება ექნებათ. ასევე, სხვა ქვეყნებში რეგისტრირებული მოქალაქეებიც შეუფერხებლად მიიღებენ არჩევნებში მონაწილეობას", — განაცხადა თორთლაძემ.

მისივე თქმით, ეს იმას ნიშნავს, რომ აზერბაიჯანში საქართველოს 7 000 მოქალაქე, ხოლო თესალონიკის შემთხვევაში 6 000 არჩევნებში მონაწილეობას ვერ მიიღებს.