ალეპოში ყველას კლავენ, ვინც სირიის მეამბოხე ჯართან კავშირშია, მათ შორის ნათესავებს, ბავშვებს და ქალებს. ინფორმაცია CNN-ს ალეპოს მედია ცენტრის აქტივისტმა მიაწოდა.

ალეპოს აჯანყებულებისგან გათავისუფლებაში ასადის რეჟიმს რუსეთი უმაგრებს მხარს.

დასავლეთი და საერთაშორისო ორგანიზაციები რუსეთს უკვე დიდი ხანია ადანაშაულებს სირიაში უდანასაულო ადამიანების დახოცვასა და სამხედრო დანაშაულში.

გაერო და წითელი ჯვარი ალეპოში მოქალაქეების დაცვას ითხოვენ. სირიაში ომი დასასრულს უახლოვდება. ინფორმაციას BBC ავრცელებს.

"მაცხოვრებლებს მართლა აღარ აქვთ არცერთი უსაფრთხო ადგილი, სადაც თავს შეაფარებენ" - განაცხადა წითელი ჯვრის საერთაშორისო კომიტეტმა.

გაეროს გენერალური მდივანი პან გი მუნის თქმით, უამრავი ინფორმაცია შედის მოსახლეობის დიდი ნაწილის დაღუპვაზე.

ათასობით ადამიანი ალყაშია მოქცეული, როდესაც მთავრობის ჯარისკაცები ქალაქის ამბოხებულებს ბომბავენ. ზოგიერთი მათგანი მესიჯებს აგზავნის, რომ მოსახლეობის ნაწილი შეჯგუფებულები არიან მიტოვებულ შენობებში და წვიმიან ქუჩებში და დაბომბვისას თავშესაფარი არ გააჩნიათ.

რუსეთმა სირიის ტერიტორიაზე საჰაერო დაბომბვები ე.წ. ისლამური სახელმწიფოს მებრძოლების წინააღმდეგ 2015 წლის 30 სექტემბერს დაიწყო, 16 აგვისტოს კი ალეპოს დაბომბვა ირანის ბაზების გამოყენებით განაახლა. ომს უამრავი მშვიდობიანი მოსახლე, მათ შორის ბავშვები, ემსხვერპლა.

ნახეთ ჩვენი სტატია სირიის კონფლიქტზე.