თუ უძილობა გაწუხებთ, როგორც ჩანს, ძილის წინ თქვენთვის ჯერ ტომ ჰარდს არ წაუკითხავს ზღაპრები.

42 წლის ინგლისელი მსახიობი ტელეარხ BBC Children-ზე გადაცემა Bedtime Stories-ში (ძილის წინ საკითხავი ამბები) გამოჩნდება და ბავშვებისთვის სპეციალურ ზღაპრებს წაიკითხავს.

ეს პირველი შემთხვევა არ არის, როცა ტომ ჰარდი ამ გადაცემას სტუმრობს: პირველად მან 2016 წელს მიიღო მონაწილეობა ამ შოუში.

მსახიობი გადაცემისთვის 5 სხვადასხვა ზღაპარს წაიკითხავს და უსაფრთხოების ზომების დაცვით მას თავად ტომ ჰარდის სახლის ეზოში ჩაწერენ. მასთან ერთად იქნება თავისი ფრანგული ბულდოგი, სახელად Blue.

"თქმაც კი არ არის საჭირო, თუ რამდენად აღფრთოვანებულები ვართ, რომ ტომ ჰარდი ჩვენს გადაცემაში ისევ წაიკითხავს ზღაპრებს. ყველანაირად ვცდილობთ, რომ ამ მძიმე დროს მთელი ბრიტანეთის გახალისება შევძლოთ", — განაცხადა არხის წარმომადგენელმა, შერილ ტეილორმა.

გადაცემა ეთერში 27 აპრილს გავა.

ასევე იხილეთ: