ცნობილი არტისტი ბენქსი მილიონობით ადამიანის მსგავსად იზოლაციაშია, თუმცა, როგორც ჩანს, ეს თავის შემოქმედებით საქმიანობაში ხელს არ უშლის.

დღემდე ანონიმური ხელოვანი აქამდე ძირითადად ქუჩის კედლებზე ქმნიდა თავის ინსტალაციებს, თუმცა საყოველთაო იზოლაციის რეკომენდაციებმა მისი ჩვეული ფორმატიც კი შეცვალა: ცოტა ხნის წინ ინსტაგრამზე ახალი ფოტოები გამოაქვეყნა, სადაც ჩანს, რომ ამჯერად მან ტუალეტის კედლები მოხატა.

ფოტოებში ტუალეტში დატრიალებულ ალიაქოთს ვხედავთ, რომელიც ვირთხებმა "გამოიწვიეს". "ჩემს ცოლს ეზიზღება, როცა სახლიდან ვმუშაობ", — ვკითხულობთ ფოტოების აღწერაში.

View this post on Instagram

. . My wife hates it when I work from home.

A post shared by Banksy (@banksy) on

როგორც BBC წერს, ეს პირველი შემთხვევა არ არის, როცა ბენქსი თავის შემოქმედებაში ვირთხებს იყენებს: მას ქუჩის მხტვრობისას აქამდეც არაერთხელ დაუხატავს ეს ცხოველები.

ბენქსი ცნობილი ბრიტანელი სტრიტ-არტისტია, რომელმაც მსოფლიოში სახელი სოციალური თემატიკის ნახატებითა და პოლიტიკური პერფორმანსებით გაითქვა.