შინაგან საქმეთა სამინისტროს განცხადებით, სამართალდამცავებმა ცხელ კვალზე 1990 წელს დაბადებული პირი ყაჩაღობის ბრალდებით დააკავეს.

უწყების მტკიცებით, მიმდინარე წლის 11 ნოემბერს, ცივი იარაღით შეიარაღებული ბრალდებული თბილისში, აღმაშენებლის ხეივანზე მდებარე ერთ-ერთ მარკეტს თავს დაესხა და მოლარე-ოპერატორს ფული გასტაცა, რის შემდეგაც შემთხვევის ადგილიდან მიიმალა.

სამართალდამცველებმა ხარაგაულის რაიონის სოფელ ხევში, შემთხვევიდან რამდენიმე საათში დააკავეს. შსს-ს ინფორმაციით, პოლიციამ გატაცებული თანხის ნაწილი ნივთმტკიცებად ამოიღო.

ბრალდებული ჩადენილ დანაშაულს აღიარებს.

გამოძიება ყაჩაღობის ფაქტზე, საქართველოს სსკ-ს 179-ე მუხლის 1-ლი ნაწილით მიმდინარეობს.