ლამაზმანი რეჟისორ გერი მარშალის საკულტო რომანტიკული კომედიაა, რომელსაც დღემდე მთელ მსოფლიოში მილიონობით ერთგული მაყურებელი ჰყავს.

რაც არ უნდა დაუჯერებელი იყოს, ფილმის გამოსვლიდან ზუსტად 30 წელი გავიდა: მისი პრემიერა 1990 წლის 23 მარტს შედგა და 90-იანი წლების ერთ-ერთ ყველაზე წარმატებულ კინოსურათად იქცა — მარტო აშშ-ში ლამაზმანის კინოჩვენებებზე დასასწრებად კინოთეატრის 42 მილიონზე მეტი ბილეთი გაიყიდა.

ახლა კი გთავაზობთ იმ საინტერესო ფაქტებს, რომლებიც ედვარდ ლუისისა და ვივიანის სასიყვარულო ისტორიის მიღმა იმალება:

1. ფილმის თავდაპირველი სახელწოდება $3000 იყო — თანხა, რომელსაც ვივიანს ედვარდ ლუისი უხდის

ფოტო: Giphy

2. თავიდან ჩაფიქრებული იყო, რომ ჯულია რობერტსის გმირი ნარკოტიკებზე დამოკიდებულიც ყოფილიყო, თუმცა შემდეგ ეს დეტალი ზედმეტად მიიჩნიეს

ფოტო: Giphy

3. ოპერა, რომელსაც წყვილი დაესწრო, La Traviata ჰქვია და მათი ისტორიის მსგავსად მეძავი ქალისა და მდიდარი კაცის სასიყვარულო ისტორიაზე მოგვითხრობს

ფოტო: Tenor

4. ვივიენის ეს ცნობილი წითელი პიჯაკი რეჟისორმა ფილმისთვის ქუჩაში $30 დოლარად იყიდა

ფოტო: Gifer

5. ეს საკულტო სცენა კი სცენარში არ იყო გათვლილი და რიჩარდ გირის იმპროვიზაციით შეიქმნა

ფოტო: Pinterest

6. ედვარდ ლუისის როლზე დენიელ დეი-ლუისს, დენზელ ვაშინგტონსა და ალ პაჩინოს განიხილავდნენ

ფოტო: Getty Images / Paramount Pictures

7. მას შემდეგ კი, რაც რიჩარდ გირი დაამტკიცეს ამ როლზე, მსახიობმა ბევრჯერ გადაიფიქრა ფილმში მონაწილეობა, თუმცა საბოლოოდ რეჟისორმა მაინც დაარწმუნა, რომ ეს როლი მისთვის იყო შექმნილი

ფოტო: Giphy

8. ვივიანის როლზე კი სარა ჯესიკა პარკერს, მეგ რაიანსა და სანდრა ბულოკს განიხილავდნენ

ფოტო: Getty Images

9. ამ სცენაში ჯულია რობერტს ფეხის გულზე უღიტინებდნენ, რათა გასცინებოდა

ფოტო: Touchstone Pictures

10. ფილმის ოფიციალურ პოსტერზე კი ჯულია რობერტსის ნაცვლად მსახიობისა და მოდელის, შელი მიშელის ტანია ფოტოშოპით ჩასმული