BBC-ს ცნობით, ტერორიზმთან დაკავშირებული საფრთხის ხარისხი ჩრდილოეთ ირლანდიაში შესამჩნევად გაიზარდა, რაც ნიშნავს, რომ ინგლისზე, შოტლანდიასა და უელსზე თავდასხმის მაღალი შესაძლებლობა არსებობს.

დიდი ბრიტანეთის შინაგან საქმეთა მინისტრმა ტერეზა მეიმ განაცხადა, რომ საფრთხის დონე ჩრდილოეთ ირლანდიელი დისიდენტების ქმედებების გამო გაიზარდა.

ირლანდიურმა დაჯგუფება New IRA-მ, რომელიც პასუხისმგებელია მარტში ციხის ოფიცრის, ადრიან იზმეის მკვლელობაში, რამდენიმე დღის წინ მუქარა გაავრცელა, რომ მისი წევრები მზად არიან "მათი ერის" დიდი ხნის მტრის წინააღმდეგ ბრძოლის დასაწყებად.