გასულ წელს სტრიმინგ სერვისმა ნეტფლიქსმა თავის მომხმარებლებს გამორჩეული ანიმაცია, კლაუსი შესთავაზა, რომელმაც უამრავი მაყურებლის მოწონებასთან ერთად ოსკარის ნომინაციაც დაიმსახურა. ამ წარმატების შემდეგ ნეტფლიქსი წელს კიდევ რამდენიმე ახალ ანიმაციურ პროექტს წარმოგვიდგენს და მათ შორისაა The Willoughbys-იც.

როგორ უნდა მოიქცე, როცა ეგოისტი მშობლები გყავს და მათი პირადი კომფორტის გამო თავისუფლებას მთლიანად გიზღუდავენ? პასუხს ამ ახალ ანიმაციაში იპოვით: უბრალოდ გაუშვით ისინი საშიშ მოგზაურობაში!

ნეტფლიქსის ძალიან სასაცილო და ამავდროულად სევდიანი ისტორიის მქონე ანიმაციის პირველი ტრეილერი ცოტა ხნის წინ გამოქვეყნდა:

ანიმაცია ამავე სახელწოდების მქონე ცნობილი საბავშვო წიგნის მიხედვით გადაიღეს, რომლის ავტორიც ლოის ლოურია. ეს ავტორი ცნობილია თავისი ხელწერით, რადგან ჟანრის მიუხედავად, ის ხშირად დასცინის ბედნიერ დასასრულებს.

The Willoughbys-ის შექმნაზე ასევე ცნობილი ანიმაციის, ნადირობის სეზონის შემქმნელებმა იმუშავეს და ნეტფლიქსის ახალი პროდუქტის ვიზუალი არც ისე ხშირად გამოყენებული ეფექტებით შექმნას, რაც ბევრს ცნობილი ოსკაროსან ანიმაციას, Spider-Man: Into the Spider-Verse-ს მოაგონებს.

ანიმაციის პრემიერა ნეტფლიქსის პლატფორმაზე 22 აპრილს შედგება.

ასევე იხილეთ: