რომის სამრევლოს ფეისბუქგვერდზე ვრცელდება ქართველი მღვდლის, მამა იოანე ხელაიას ვიდეო, რომელიც ემიგრანტებს რჩევებს აძლევს და დახმარებას სთავაზობს. მღვდელი განმარტავს, რომ კორონავირუსის პრევენციისთვის დაწესებული ღონისძიებების გამო, მოსახლეობა სახლში უნდა დარჩეს და მათ საჭირო ნივთებითა და მედიკამენტების მიტანას სთვაზობს.

"ვითარება არის ძალიან დაძაბული და გთხოვთ, ჩემო საყვარელო ქართველო თანამემამულენო, ყველანი დარჩით სახლში. ნურავინ ნუ გამოხვალთ, თუ რამე დაგჭირდათ, მზად ვარ რომ მოგემსახუროთ, მზად ვარ მოგიტანოთ წამლები, საკვები", — აცხადებს ის.

მღვდელი მოუწოდებს ემიგრანტებს, რომ მიხედონ თავს და ჯანრმთელობას და ლოცავს მათ და მთელს მსოფლიოს.

"ღმერთა დალოცოს ჩვენი ქვეყანა, საქართველო; ღმერთმა დალოცოს იტალია და მთელი სამყარო. ყველაფერი კარგად იქნება".

ბოლო მონაცემებით, იტალიაში კორონავირუსით 12 000-ზე მეტი ადამიანია ინფიცირებული, გარდაიცვალა — 800-ზე მეტი, გამოჯანმრთელდა — თითქმის 3 000. იტალია კორონავირუსის გავრცელების მაღალი რისკის ქვეყნებს მიეკუთვნება ჩინეთთან, ირანთან და სამხრეთ კორეასთან ერთად.

დღეს, 11 მარტს კი ჯანდაცვის მსოფლიო ორგანიზციამ კორონავირუსი პანდემიად გამოაცხადა, რაც იმას ნიშნავს, რომ ძალაში შევა ახალი წესები და რეკომენდაციები, რომელთა შესახებაც ხვალ გახდება ცნობილი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: