გაეროს ლტოლვილთა საკითხებზე მომუშავე სამმართველოს წარმომადგენელმა, უილიამ სპინდლერმა განაცხადა, რომ, სავარაუდოდ, დაღუპულ მიგრანტთა რიცხვი ყველაზე მაღალი 2016 წელს იქნება. ინფორმაციას Ekhokavkaza ავრცელებს.

მისი თქმით, 2016 წლის ამ დროის მონაცემებით, ხმელთაშუა ზღვის გადალახვის მცდელობისას, 3740 მიგრანტი დაიღუპა, რაც მხოლოდ 30 ადამიანით ნაკლებია მთლიანად 2015 წელს დაღუპულთა რაოდენობაზე. სპინდლერმა განმარტა, რომ გასულ წელს მილიონზე მეტი ადამიანი დააფიქსირეს, რომლებიც აღნიშნულის ზღვის გადალახვით ევროპის ნაპირებთან მისვლას ცდილობდა.

მისი განცხადებით, ლიბიასა და იტალიას შორის საზღვაო მარშრუტი ყველაზე სახიფათო აღმოჩნდა. გაეროს წარმომადგენლის თქმით, ამის მიზეზი კონტრაბანდისტების ქმედებების ტაქტიკის ცვლილება გახდა, რომლებიც ზღვის გადაკვეთას უკეთებენ ორგანიზებას. ისინი ზღვაში გადაადგილების ნაკლებად სანდო საშუალებებს იყინებენ, რომლებშიც ათასობით ადამიანს სვამენ. ამიტომაც ზღვაში კატასტროფის შემთხვევაში, შედეგად ათასობით მსხვერპლს ვიღებთ.

გარდა ამისა, მიგრანტებისათვის უფრო უსაფრთხო მარშრუტი - თურქეთიდან საბერძნეთის მიმართულებით, ევროკავშირისა და თურქეთის შეთანხმების შემდეგ, პრაქტიკულად გადაკეტეს. გაეროს სპეციალისტები ამბობენ, რომ მიგრანტთათვის კონფლიქტის ზონიდან გამოსაქცევი უსაფრთხო ზონები ღია უნდა იყოს.