საფრანგეთმა მიგრანტების კალეს ბანაკის, ე.წ. ჯუნგლების გაწმენდა დაიწყო იმისთვის, რომ მიგრანტები და ლტოლვილები სპეციალურ საცხოვრებლებში გადაიყვანოს. აღნიშნულ ოპერაციაში 1200 ფრანგი პოლიციელია ჩართული. ინფორმაციას ამის შესახებ Reuters ავრცელებს.

მას შემდეგ, რაც საემიგრაციო სამსახური თავის საქმეს შეუდგა, უკვე ერთ საათში ემიგრანტებით სავსე პირველი ავტობუსები დაიძრნენ. როგორც უწყების წარმომადგენლებმა განმარტეს, ზემოაღნიშნულ ბანაკს პირველივე დღეს იქ მყოფი 7 ათასი მიგრანტიდან 2500 დატოვებს. მთავრობის წარმომადგენლების განცხადებით, აღნიშნულ პირებს საფრანგეთში, სხვადასხვა ლოკაციაზე განლაგებულ 450 ცენტრში გადაანაწილებენ.

ამ ეტაპზე არსებობს საფრთხე, რომ მიგრანტთა და ლტოლვილთა დიდი ნაწილს, რომლებიც ავღანეთიდან, სირიიდან და ერითრეადან არიან გამოქცეულები და დიდი ბრიტანეთის საზღვრის გადალახვა სურდათ, ბანაკის დატოვება არ ენდომებათ. აღნიშნულის გამო, შესალოა, მიგრანტებსა და პოლიციას შორის გასულ შაბათ-კვირას მომხდარი შეტაკებები კვლავ განმეორდეს.

საფრანგეთში მიგრანტების ე.წ. ჯუნგლების ბანაკიდან ლტოლვილები და მიგრანტები სპეციალურ საცხოვრებელ ცენტრებში გადაჰყავთ, 24 ოქტომბერი, 2016.

ფოტო: Reuters

საფრანგეთში მიგრანტების ე.წ. ჯუნგლების ბანაკიდან ლტოლვილები და მიგრანტები სპეციალურ საცხოვრებელ ცენტრებში გადაჰყავთ, 24 ოქტომბერი, 2016.

ფოტო: Reuters

ბრიტანეთმა უკვე დაიწყო კალეს ბანაკიდან 1300 ობოლი ბავშვის მიღება. ასეთი ბავშვების პირველი ჯგუფი ქვეყანაში უკვე ჩავიდა.