შვედი იუთუბერი ფიუდიფაი ამბობს, რომ ძალიან დაიღალა, ამიტომ YouTube-ს დროებით ტოვებს. ვიდეო პლატფორმის ყველაზე პოპულარულ ვარსკვლავს უკვე 102 მილიონი გამომწერი ჰყავს, თუმცა მის რეკორდს 121-მილიონიანი გამომწერის მქონე ინდური სერიალიების ლეიბლი, T-Series ხსნის.

ფიუდიფაიმ, იგივე ფელიქს არვიდ ულფ ჩელბერგმა, 100 მილიონ გამომწერს აგვისტოში გადააჭარბა. მისი კონტენტი ძირითადად ვიდეო-თამაშებების მიმოხილვას ეთმობა.

"მომავალი წლიდან იუთუბისგან შესვენებას ვიღებ. მინდოდა ეს წინასწარ მეთქვა, რადგან გადაწყვეტილება უკვე მიღებული მაქვს. დავიღალე. ძალიან დავიღალე. არ ვიცი, გამიგებთ თუ არა, უბრალოდ მინდა იცოდეთ, რომ მომავალი წლიდან აქ აღარ ვიქნები", — თქვა მან.

ფიუდიფაი კონტროვერსულ სიტუაციებში რამდენჯერმე აღმოჩნდა. ის პოსტავდა ვიდეოებს ანტისემიტური ხუმრობებით და ნაცისტური კადრებით, რის გამოც 2017 წელს მასთან Disney-მ კონტრაქტი გაწყვიტა. მსროლელმა, რომელიც პირდაპირ ეთერში გადასცემდა ახალი ზელანდიის მეჩეთებში თავდასხმას, მაყურებლებს მოუწოდა ფიუდიფაის არხი გამოეწერათ. იუთუბერის მიერ დაქირავებულ ორ კაცს მის ვიდეოეში ტრანსპარანტი ეჭირათ, წარწერით "სიკვდილი ებრაელებს".

ფიუდიფაიმ ვიდეოები მოგვიანებით წაშალა, ბოდიში მოიხადა და თქვა, რომ მისი ხუმრობები შეურაცხმყოფელი იყო. მან ასევე თქვა, რომ საშინლად გრძნობდა თავს, როცა მსროლელმა, რომელმაც 51 ადამიანი შეიწირა, მისი სახელი ახსენა.

ყველაზე მეტგამომწერიანი იუთუბერის პოზიციას PewDiePie ექვსი წლის განმავლობაში არ თმობდა.