დღეს, 21 ოქტომბერს HBO-ს, Sky Atlantic-ისა და Canal+-ის ახალი ერთობლივი სერიალის „ახალგაზრდა პაპის“ პრემიერა შედგება, რომელშიც მთავარ როლებს ოსკარის მფლობელი მსახიობები ჯუდ ლოუ და დაიან კიტონი ასრულებენ.

ლოუ შოუში გამოგონილი პერსონაჟის, რომის პაპ ლენი ბელარდოს, იგივე პიუს მეცამეტეს როლს მოირგებს, ხოლო დაიან კიტონი თავის კარიერაში პირველად გამოჩნდება სერიალში და თანაც მონაზონის როლში.

ცნობილია, რომ შოუს პირველ სეზონში 10 ეპიზოდი იქნება.

სერიალის შემქმნელი ოსკარის მფლობელი რეჟისორი პაოლო სორენტინოა, რომელსაც ეკუთვნის ისეთი ფილმები, როგორებიც არის - დიდებული სილამაზე და ახალგაზრდობა.

,,ახალგაზრდა პაპი" მოგვითხრობს პაპ პიუს მეცამეტეს ისტორიას, რომელიც დიდ წინააღმდეგობას უწევს ყველას, ვისაც მის ძალაუფლებაში ჩარევა სურს.

სერიალის განმავლობაში ბელარდო უამრავ ახლობელ ადამიანებს კარგავს და მარტოობის მუდმივ შიშში ცხოვრობს. ამის მიუხედავად, პაპი არ ერიდება ვატიკანის მოზომილ და რუტინით სავსე ცხოვრებაში ნამდვილი რევოლუციის მოწყობას. ის ტრადიციული ჯანმრთელი საუზმის მაგივრად კოკა-კოლას მიირთმევს, სიგარეტს ეწევა და კეთილშობილური ქადაგებების მაგივრად ცხოვრების სისასტიკეზე საუბრობს. ჯუდ ლოუს ახალი გმირისგან მუდმივად უნდა ველოდოთ ახალ-ახალ სიურპრიზებს, რომელშიც მას დაიან კიტონის პერსონაჟი დედა მერი დაეხმარება.