საქართველოს ექსპრეზიდენტი და ოდესის ოლქის გუბერნატორი მიხეილ სააკაშვილი თავის ფეისბუკის გვერდზე ლევან ვარშალომიძის პოსტს ეხმაურება, ნაცმოძრაობის სიის პირველი ნომერი არჩევნების გაყალბებაზე საუბრობს.

სააკაშვილი მადლობას უხდის ყველა აქტივისტის, "ვინც მიუხედავად ზეწოლისა, გულმოდგინეთ აგროვებს ამ [არჩევნების გაყალბების] მტკიცებულებებს":

"მგონი, ხმის მიცემის დასრულების შემდეგ, ზოგიერთი ადამიანი, ერთმანეთთან საქმის გარჩევის ნაცვლად, მტკიცებულებების სისტემატიზაციით, რომ დაკავებულიყო, ყველა რეგიონში დავამტკიცებდით მასობრივ გაყალბებას. მარტო აჭარაში გაუქმებული (ესეიგი ამომრჩევლების მოპარული) 25 ათასი ბიულეტენი რამდენს ნიშნავს. ახლაც არ არის დაკარგული შანსი ფაქტების უკეთესი ანალიზი მოვახდინოთ და როდესაც ამის დრო მოვა, არჩევნების მოპარვისთვის პასუხი ვაგებინოთ ამ დიდი აფიორის დამგეგმავებსა და ძირითად განმახორციელებლებს".