20 ივნისის საქმეზე ბრალი აქციის კიდევ ერთმა მონაწილემ, გოგი ქურდოვანიძემ აღიარა. აღიარების შემდეგ ქურდოვანიძის საქმე ცალკე განიხილება. როგორც თბილისის საქალაქო სასამართლოში On.ge-ს უთხრეს, მან პროკურატურის მტკიცებულებები უდაოდ სცნო.

დღეს, 28 ოქტომბერს თბილისის საქალაქო სასამართლოში 20 ივნისის საქმეზე ოთხი პირის საქმე განიხილეს. წინა სასამართლო სხდომაზე ბრალი ილია მემარნიშვილმა აღიარა.

20 ივნისის საქმეზე გამოძიება სისხლის სამართლის კოდექსის 225-ე მუხლით დაიწყო, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს. საგამოძიებო უწყებამ დაზარალებულად 67 სამართალდამცავი და 4 მოქალაქე ცნო. ამავე საქმეზე ბრალი წაუყენეს 3 სამართალდამცავსა და 17 მოქალაქეს.